නෙතින් ඉඟිකර සිනා විසිරුන
ප්රේම පැතුමක සිහින එක්කොට
ක්ෂිතිජයට සමීපව මොහොතක්
සිඳු අඹර සිප වැළඳ ගත්තා
උණුහුමට රිසි සෙනෙහසින්
වෙරළ සොයමින් ඇදී ආවත් රළ
පුරුද්ද බැව් වෙරළ සිතුවේ
පෙම්කල වගක් රළ
නොදනී වෙරළ තාමත්
රෝස මල්පෙති මුදුව ඇතිරූණු
ප්රේම පලසක නුරා වත්සුනු
සෙමින් පිරිමැද මා පුරා තුනු
නළවමින් මා සිත තුටින
වැළඳගත්තා සෙනෙහසින්
මල් පිපි සුවඳ විහිදෙනා මග
සමනලුන් ආවේ රොන් සොයා වුව
පෙම් කළ වගක් මල
නොදනී සමනලුන් තාමත්
No comments:
Post a Comment