Tuesday, May 19, 2020

❤️

කොහෝ උබ හැමදාම ගී සින්දු ගැයුවාට
වෙනදාට වාගේම අවුරුද්දේ ආවාට
කාටවත් දැනුණේ නෑ අවුරුද්ද ගෙව්නාට
උඹ තාම ගයන්නේ හැමදාම පුරුද්දට
ජීවිතේ ලස්සනට අපි හීන දැක්කාට
හීනයක් කියන්නේ මං ඇඳපු සිත්තමට
උඹ වාගේ මං වාගේ අපි සැවොම ලෝකයට
ජීවීතේ ගයන්නේ හැමදාම පුරුද්දට
හිත නිවන හිත පිරෙන හිත රැඳුන තාලයට
උඹ ගයන ගී සින්දු ලස්සනයි ලෝකයට
පද බැඳෙන සිත වැළඳ හද හැගුම් කවියකට
උඹ වගෙම ලියන්නෙමි හැමදාම පුරුද්දට
❤️

Tuesday, January 21, 2020

නුඹ

හිනා වෙන කල දෙනෝදාහක්
ලොවම හොයන්නේ හිනාවක් වුව
ඇතිව නැතිවන සිනාවන් ළග
මගේ මුවගේ හිනාවයි නුඹ
ජීවීතේ මහ හුගක් දේ නැත
නුඹ ව හැර මුළු ලොවම එක්කල
හීනයක් වී හිතේ දවසක
හැබෑවක් වූ මගෙ ලෝකයයි නුඹ
❤️

Thursday, December 12, 2019

කිසිවක්ම නොවේ නම්

හිත පිරුණ හැම දේම
ගලපන්න කවියකට
කවියෙක්ට වුණත් පුළුවන්ද
කොහොමත් ම කරන්නට
හද ගැඹුරේ පත්ලේම
සිතේ රැදි දේ සිතුවමට
සිත්තරෙක් වුව කොහොම
පාට ගාන්නේ නිසැකවම
අපි දකින අපි අහන
නේක දෑ අතරේම නිතර
ජීවිතේ නොවිසඳුණු අරුම
කොයිතරම් තියෙනවාද
කිසිවක්ම නොවේ නම්
නිවීමක් වී හිත නිවන
ජීවිතේ මොහොතකට
නිවී සැනසෙනු කොහොම