සිත් තුල මෙත් මල් පිබිදේවා...!
ලස්සන සිරියයි වෙසගේ
දුටු නෙතගින් මන පිනවයි
දිලි දිලෙයි නෙක පාටින්
ආසිරි පවනයි මේ සැලෙනා
ලස්සන සිරියයි වෙසගේ
දුටු නෙතගින් මන පිනවයි
දිලි දිලෙයි නෙක පාටින්
ආසිරි පවනයි මේ සැලෙනා
සද එළියෙන් නැහැවී
ඒ තරමට ඒ වරුණාවන් මවලා
ඒ තරමට ඒ වරුණාවන් මවලා
කොහොමද අම්මේ එහෙම කියන්නේ
පාට පාට ගැන හරි හැඩ කරලා
රෑ කළ අදුරේ සිසිලස ගත
සිප ගන්නා
සිප ගන්නා
වෙනසක් නම් නෑ දැණුනේ
එක වාගෙයි හැමටම
හද එළියයි සා පැටවුන් රුව මවලා
තුරුවැල් නැළවෙන වාගෙයී
ගී පද බැදි අමුණාලා
එක වාගෙයි හැමටම
හද එළියයි සා පැටවුන් රුව මවලා
තුරුවැල් නැළවෙන වාගෙයී
ගී පද බැදි අමුණාලා
කොහොමද අම්මේ එහෙම කියන්නේ
ආකාසේ රූ සිතුවම් හද බැදලා
යන එන කවුරුත් ආවත් නාවත්
වෙනසක් නෑ එක ලෙස සලකා
රන්වැලි සිරිමා බෝ සමිදුන් වැදළා
වෙනසක් නෑ එක ලෙස සලකා
රන්වැලි සිරිමා බෝ සමිදුන් වැදළා
ගයන්න දන්නේ කොහොමද අම්මේ
මේ හැටි ලස්සන පිරියම් කරලා
ලෝකෙම දකිනා මට නම් නෑ
ඒ වගේ ලස්සන වදනක්
කියන්න කව් ගී අමුණාලා
ඒ වගේ ලස්සන වදනක්
කියන්න කව් ගී අමුණාලා
කොහොමද අම්මේ එහෙම කියන්නේ
ඈ ලෝකය දෙස නොබලා
කරුණා මෙත් සුව දැනෙනා හදකින්
ඈ ලෝකයේ රුව දැකලා
නෙතගින් නොදකින අපි දකිනා හැම
දුටුවන් සේ මිහිරැති පද බැදලා
නොපෙනුණ රන්වන් සද එළියේ
සිසිලස ලැබ වෙසගේ සිරි මවලා
ජීවත් වෙන්නයි පුතුනේ
ගයන්නේ තොරණේ ලස්සන කවි ගොතලා
ඈ ලෝකයේ රුව දැකලා
නෙතගින් නොදකින අපි දකිනා හැම
දුටුවන් සේ මිහිරැති පද බැදලා
නොපෙනුණ රන්වන් සද එළියේ
සිසිලස ලැබ වෙසගේ සිරි මවලා
ජීවත් වෙන්නයි පුතුනේ
ගයන්නේ තොරණේ ලස්සන කවි ගොතලා
No comments:
Post a Comment