Monday, July 16, 2018

රැයකි මේ සුන්දර

හිමින් සිසිලස ගෙනෙන
මටම පමණකි මේ හුළග
ඒ විදිහටම කාටවත් දැනේදැයි
නොදැනෙන ලොවක

සැණින් නික්මෙන මොහොතක
කාලයක ඉසිඹුව අපූරුය
ගෙවෙන හැම මොහොතම
මට වගේමයි නැතිකොට

හිතේ අස්සෙම කොණක
ගැඹුරුම තැනක සියුමැලිව
සැතපෙන්න මා වෙලා මහද
ලෝකයම මට මමම වූ කල

වර්ණ හැඩතල උවම් කළ වුව
කවුරු කවුරුත් අවැසි තරමට
රාත්‍රීයට නෙළුමක් ය මුකුලිතව
උදෑසනකදි සුවදක් ව පිපෙන්න

දිගුය ගමනකි රැයක් මේ සුන්දර
හදේ සිතුවම් අවදි කරනට
ලොවට මා නොව මටම මා ළග
මමත් හමුවූ තක්සලාවක


No comments: