වර්ණය සුවඳ කිමැක්දැයි
නොදන්නෙමි
දිය බිඳෙන් බිඳ එකතු කර
වෙලාවට පොහොර යොදා
ආදරෙන් පත්‍ර අතගා සෑදු
ගසෙහි
වස්සානයට පිපෙන
පොහොට්ටුවක් දකිමි
නමුත්
ඒ මල කුමක්දැයි නොදන්නෙමි
ආදරෙන් ආදරේ පිපිනා තරම්
ලස්සනම ලස්සන මලක්
පිපෙනා තුරාවට
බලාපොරොත්තුවක
ආදරෙන් ජීවිතය විඳිමි...

💕💖😘💗💖

 

සුදුපාට හිස් කඩදාසියක් මත

පැන්සලෙන් කුරුටු ගා

මතුකරගත් සිත්තමක් නම්

ජීවිතය

ඉතින් ඒ සිත්තමේ තියෙන

ලස්සනම පාට අළුපාට

දුක සතුට හිමි අහිමි හැමදේම

එකින් එක ගලපමින්

සීරුවට වෙන් කළා නම්

ඒ ජීවිතය

ඉතින් ඒ බෙදීමේ තියෙන

ලස්සනම දේ හිනාවුණ මතක

එක දිගට මහ අනෝරා

කඩාගෙන වැටෙද්දී ....

තෙමෙන්නට පුළුවන් තරම්

තෙමි අහවර වෙද්දි....

ගොඩවෙලා වහල යට

මොහොතකට හුස්ම ගද්දී....

අපි වගෙමයි උණුත් ජීවිතය

ළඟ ජීවිතය ගෙවද්දී....

 

 

මහ හුඟක් බර දැනෙන
හැඟුම් එකිනෙක මුහුකොට
සුළඟකට කියන්නෙමි
රැගෙන.... පාවෙන්න
නොපෙනෙනා තරම් දුරකට
ආයෙමත් එන අතරමග
සෙනෙහසින් අත් අල්ලාගෙන
මිතුරන් පමණක්ම
එක්කාසු කරගෙන එන්න
එවිට
අපි හිනැහේවී......නිසැකවම
අදටත් වඩා ලස්සනට
හිත නිදහසේ සුවයෙන්ම

 හීන ලස්සන හිතේ පැතුමක් රැයේ සිත්තම වෙලා ආවම

දවස ලස්සන වුණේ සතුටින් එක්ව සැම දේ බෙදා ගත්තම

දිවිය ලස්සන සසරේ පැතුමක් ඔබව මට අපි හමුවුණාම

ලොවම ලස්සන අපේ සිතුමන් හැඳිනගෙන අපි හිනැහුණාම

💓💓💓💓