මලක් වූවත් නොකියා උන්නට
නොකී කතාවක් හැමට වාගේම
මලට වූවත් තිබෙන්නට හැක
උස්ම මුදුණක පිපි සුවඳට
පාට වත්සුණු තවරා ගත්තම
සිනා පුරලා වතින් සුන්දර
කවුරැ එක්කත් බෙදා ගත්තට
ජිවිතේ බර දැනුණ මොහොතක
පොළොව සිඹිනට සිතෙනවත් ඇත
දේසේ වාසේ ඇසුරු කළ තැන්
මලින් මලකට වෙනස් වූ කළ
දුරින් බලලා සුවඳ පාටද
කිමැයි කොහොමද කියන්නට හැක
සුළං කෝඩේට බිමට නොවැටී
ඉන්නේ කොහොමද දනී නම්
ඒ... මලක් පමණය
සුවඳ දෙන මල්
උසින් පිපිලා පාට පාටින්
මලේ රුව ගුණ කියන්නට නම්
කෙනෙක් වෙත්නම් අහසේ පමණය
No comments:
Post a Comment