අකාසේ පුරාවට එකම හද පෑව්වට
හද එළිය වුවත් එක වාගේ මයි අපට
අද හෙටද නෑ දවස් ජීවීතේ තව දුරට
මයෙ හදේ නුඹ ඉන්න හිනැහීලා නෙතට
හිමි හිමින් නැළවෙනා තුරු ගොමුද පෙළට
සුළගටත් පෙම් බදී දුර ගිහින් ආ කළට
තාළයට ලෙලදෙනා දළු කැකුළු මේ සොදට
කියන්නේ නුඹ ගැනයි ආදරෙන් මයෙ හිතට
සරන්නට නොහැකි මුත් ආකාසේ තරගයට
සිත් රිසින් මම සරමි නුඹ පේන මානයට
ආදරෙන් හද වැළද නුඹ සිඹින සිහිනයට
ජීවීතේ තව දුරයි ලොවම සුවපත් වන දිනට
හිමි හිමින් හැමදාම දවස් ගෙවෙනා සදට
මට වගෙම නොදන්නෙමි සිතේ දැයි නුඹට
ස්නේහයෙන් පිරී ගිය නුඹ සැණින් දකින්නට
ජීවීතේ මේ හැටිම නොදන්නෙමි රිසි කුමට
